الأراجوز

The breath of the morning wind

will soon spread the fragrance of musk,

And the world will become

young again

........................

.

الأراجوز جاع

باع الطرطور

رهن الزمارة و صاع

قال مش شغال

مسكين أراجوز

كان بيحب الأطفال

كان بيعلمهم حكاويه

كان لما يقول حدوته

يتلموا عليه

ياما عيال بلغوا من غناويه

و بقم شبان

سهيرة لوش الصبح

و فضل الأراجوز أراجوز

مسخوط و مقفع و مقتب و عجوز

لكن مابخلش على الأطفال

و حكى لهم حدوته و موال

عن غصون زتون أخضر

و جنينة قمح بيرويها شلال

مسكين أراجوز

كان عشمه يحكى حكاية تقعد طول العمر

لكن ماقدرش

الجوع تعبان أخرس

نابه زى المنشار

ينهش مصارين أراجوز ينهار

يصرخ و يسخسخ و يعافر

الجوع كافر

أراجوز ساب الحارة و سافر

و مشى فى بلاد الله

و تعب من اللف

هبد الطرطور فى الأرض و تف

و رجع زهقان

يلعب ف السامر زى زمان

يلعب نوبتين فى الشهر

و يقوم من الطبلية جعان

............................

فؤاد قاعود

1962